|
Ut trumke zwiegt..... |
|
|
|
|
|
|
|
|
Wiel Verbong |
|
|
Ut zal noeijts mier utzelfde zien. Wat zulle weej dich misse…..
Enne dieke knoevel van Bep en Frans, Joep en Miep, Tonnie en Leo, Léon en May, Saskia en Thijs, Geert en Carla, El en Hans, Ad en Monique, Alexander en Sabine, Loek en José, Peter en Mariet, Jeroen, Hay, Sraar en Marga. *****
|
|
|
Hoije Wiel: Dao gingse dan…woensdigaovend nao de reppetitie met ein hoije… pretaugskes….unne grijns op dien snoet, zoas allein dich det kös. Met die weurd verdweens dich oet ôs leave, en oet ôs kepel. Koste we dich nog maar truuk roope; Heej Wiel...Wach Effe...ik wil dich nog waat vraoge.. Of: heej Wiel… Wach Effe..heasse det of det al geregeld… Of: heej Wiel...Wach Effe...heasse efkes tied veur mich? Det waas de plek dies dich innooms binnen ôs kepel: as veurzitter...maar veural de spil wao alles um dreide.
|
|
|
Unne mins met ein groet werm hert, waobeej weej altied terech koste. Dien plaats beej ôs slaagwerk waas uniek…greuts waors dich op de kabel die och aas slaagwerk verbond, dao meugde van dich neemand tussekome. Daen kabel is now geknapt en is neet mier te herstellen.
Minnige tromsleeger is gesneuveld beej ôs optreejes. En det veural beej ut slotnummer Apache…dan gaofsse zo”ne roffel det ut soms pien aan de oere deej en dien sleegers aardig wat te lieije hadde. Maar dich goofs dich..met alles waats dich in dich hads...en dich genôots.
Weej motte nôw verder zonder dich. Weej gaon ôk verder zonder dich. Dich zoels neet anders gewild hebbe. Dien plek...in ôs kepel zal altied blieve, die is neet weg te dinke. Al is ut now un lege plek.
Dien trumke zal euveral met ôs mei gaon… Maar ut zal noeijts mier utzelfde zien. Weej zien dervan euvertugd des dich, wao”s dich nôw ok bis, altied ein bietje op os zals blieve lette. Wiel, bedankt desse eine van ôs en eine van ôs kepel haes wille zien. Maar wat zulle weej dich gaon misse. Unne letste dieke knoevel van idderein van Wach Effe. Hoije Wiel ***** Wiel, 3 februari '48 - 25 september '09
|
|
